Sími 441 6500

Lóudeild

Fyrirsagnalisti

Snjór og skemmtun - 17.11.2017

Við á Lóudeild tókum öll vel á móti snjónum, þó það sé stundum áskorun að vera úti að leika núna eftir að kólnaði. Við fengum líka gesti á degi íslenskrar tungu frá 7. bekk í Álfhólsskóla og það var lesið fyrir 2015 árganginn. Á föstudaginn var svo flæði og tóku allir á deildinni þátt. Þá má flæða um allan leikskólann og skoða, dunda og bjástra við ýmsan efnivið. Það má sjá myndir af þessum atburðum á myndasíðunni.

Gott er að hafa í huga að myndirnar eru ætlaðar til að sýna stemninguna og því eru andlit barnanna ekki endilega aðalatriðið.

Ég sjálf/ur og umhverfið - 9.11.2017

Ég sjálf/ur og umhverfið er þemað í vetur hér á Kópahvoli. Við á Lóudeild erum að uppgötva okkur sjálf og umhverfið í gegnum margskonar efnivið og fjölbreytt umhverfi. Myndirnar segja meira en mörg orð. Endilega skoðið á þær á myndasíðunni.

Aðlögun á Lóudeild - 25.10.2017

Hér á Lóudeild höfum við öll verið að aðlagast hvort öðru og umhverfinu. Allt er að falla í góðan farveg og verið er að ljúka framkvæmdunum á deildinni. Í næstu viku munum við fara að skipta okkur meira upp eftir árgöngum á morgnanna. Við ætlum að mála og fara í salinn í hreyfistund. 2015 árgangurinn hefur nú þegar farið í tvær vettvangsferðir og stefnum að því á þriðjudögum, þegar til þess viðrar. Nokkrar myndir af haustinu eru komnar inn undir myndefni hér á heimasíðunni, endilega kíkið á þær. 

Fréttir 9. febrúar - 9.2.2017

Góðan dag 

Stærðfræðivikan í síðustu viku gekk mjög vel. Við vorum að vinna mikið með form, liti, spil og tölustafina. Við unnum í tveimur hópum, yngri og eldri eftir aldri.

Dagur leikskólans var haldinn á mánudaginn. Börnin komu með vasaljós og gengum við upp á Víghól og leituðum að fuglinum okkar, Lóunni á mynd sem verið var búið að koma fyrir í einu trénu. Foreldri á Krummadeild var búinn að kveikja eld í eldstæðinu rétt fyrir ofan leikskólann. Þar sungum við saman nokkur lög.

Í vikunni unnum við í hópavinnu ýmis verkefni. Á morgun er flæði þá fara börnin á milli deilda leikskólans, þau fá að velja sér deild og leika þar í 1 klst. Börnunum finnst það gaman og eru alltaf spennt að fara. Starfsmaður á Lóudeild fer með á hverja deild.

Dögg er komin úr veikindaleyfi og bjóðum við hana velkomna til starfa.

Bestu kv. Sigga

Vikupóstur 16. sept - 21.9.2016

Kæru foreldrar

Ég vilja byrja á að þakka þeim sem komu á foreldrafundinn síðasta miðvikudag fyrir komuna á fundinn. Fyrir þá sem ekki komust á fundin langar mig að minna á að mikilvægt er að merkja öll föt barnanna. Einnig vil ég minna á að senda mér myndir af fjölskyldu barnanna þar sem fyrirhugað er að vinna skemmtilegt verkefni með börnunum.

Nýr deildarstjóri að nafni Sigga hefur verið ráðin sem deildarstjóri á Lóudeild og hefur hún störf hjá okkur á mánudaginn 19. September.

 Nú fer að kólna í veðri  og því gott að hafa þunna vettlinga með í leikskólann.

Í liðni viku höfum við verið að leira, mála, leika með myndvarpa og margt fleira skemmtilegt. Börnin njóta sín ávallt vel úti og er gaman að drullumalla og leika í rigningunni.

Nokkrar nýjar myndir eru komnar inn á heimasíðuna:

http://kopahvoll.kopavogur.is/myndefni/

 

Takk fyrir góða viku og góða helgi : )

Kær kv Halla Ösp, Dögg, Berglind og Þóra


Fréttir -

Halla Ösp Hallsdóttir deildarstjóri
Aislen Þóra Þórarinsdóttir leiðbeinandi
Berglind Bjarnadóttir leiðbeinandi
Dögg Gunnarsdóttir leiðbeinandi