Sími 441 6500

Forsíðumynd 5

mynd nr. 2

Mynd nr 1

Forsíðumynd 4

Forsíðumynd 3

Forsíðumynd

Forsíðumynd 2

Leiktjald 2

Forsíðumynd 1

Leiktjald


Fréttir og tilkynningar

Diskó á Ugludeild - 14.5.2018

Þann 27. apríl var komið að því - því sem öll deildin var búin að bíða eftir. Alvöru diskó! Klæðnaður var valfrjáls og nýttu margir sér þann möguleika. Veitingar voru einnig valfrjálsar og komu börnin með cheeriostertu, popp, saltstangir, Doritos og heimagerðar kókoskúlur. Stóra herbergið var rutt og þar var dansað við lagalista sem börnin völdu og diskóljós sem við fengum lánuð. Fyrir utan diskódansa fengu börnin leiðsögn í samkvæmisdönsum og stóðu sig mjög vel. Um miðbik hátíðar voru allir orðnir svangir og þyrstir og þá var bara að fara að hlaðborðinu og gæða sér á veitingum og safa sem leikskólinn bauð uppá. Þessi börn verða ekki í vandræðum á komandi skólaböllum!! Þetta var mjög skemmtilegur eftirmiðdagur. Fleiri myndir er að sjá inná myndamöppu Ugludeildar.



Opið hús og útskrift 9.maí, vonumst til að sjá sem flesta - 7.5.2018

Haldið verður upp á afmæli leikskólans sem er 11. maí með opnu húsi á Krumma, Spóa- og Lóudeild að morgni 9. maí kl. 8:00-930. Útskrift elstu barnanna fer fram þann 9. maí kl: 14:30.

Hér má sjá þennan myndarleg hóp sem útskrifaðist þennan dag. Fleiri myndir sem teknar voru við útskriftina má sjá í myndamöppu Ugludeildar



Umhverfismennt - 27.4.2018

Í aðalnámskrá leikskóla kemur fram að kenna eigi börnum að bera virðingu fyrir umhverfi sínu og náttúrunni og skapa þeim tækifæri til að upplifa og njóta. Einnig þurfi að  skapa aðstæður svo börnin fái tækifæri til að vinna með og velta vöngum yfir hvernig vistspor þeirra og nærsamfélagsins geti stuðlað að sjálfbærri þróun.

Í vetur höfum við í Kópahvoli stigið stórt skref í flokkun á sorpi.  Þann 1. febrúar fengum við brúna tunnu undir lífrænt sorp og allir matarafgangar frá eldhúsi og deildum fer í þá tunnu. Fram að því flokkaði eldhúsið pappa og plast en nú hafa deildirnar einnig tekið sig til og flokkað pappa og plast með aðstoð barnanna.

 
   
Í haust grófu börnin á Krummadeild niður ýmislegt sorp svo sem pappa, plast, gler og ávaxtahýði og á degi umhverfis þann 25. apríl grófu þau svo upp sorpið og fóru yfir hvað varð aftur að mold þ.e. skilaði sér aftur til náttúrunnar. Dagur umhverfis er tileinkaður Sveini Pálssyni fyrsta íslenska náttúru-fræðingnum sem fæddist þennan dag árið 1762.
 





   
Hluti af umhverfismennt er að huga að nánasta umhverfi og börnin á Spóadeild létu ekki sitt eftir liggja á degi umhverfis og tíndu rusl í nágreninu. Þegar heim var komið unnu börnin verkefni sem tengdust náttúrunni. 


   
     

 

Blár apríl - 10.4.2018

Í tilefni af Bláum apríl var stjórnendum Kópahvols boðið að koma í húsakynni Lulla doll dúkkunnar þar sem nokkrum leikskólum var afhent Lulla doll dúkka. En það hefur sýnt sig að Lulla doll hjálpar börnum með svefnraskanir, fyrirburum og einhverfum börnum. Færum við þeim kæra þakkir fyrir. blarapril.is lulladoll.com












Góða veðrið - 8.3.2018

Það er líkt og að vorið sé á næsta leyti. Spóadeild brá sér í gönguferð og börnin léku sér við skugganna og könnuðu nágrenið. 

       

Fréttasafn


Atburðir framundan

Útistöðvar 6.6.2018

Þann 6. júlí hefjast útistöðvar í Kópahvoli. Þá eru settar upp leikjastöðvar í garðinum fyrir börnin, þetta er gert á miðvikudögum yfir sumartíman. 

 

Fleiri atburðir