Námskeið fyrir foreldra

Þroska- og hegðunarstöð hefur undanfarin ár staðið fyrir sérstökum uppeldisnámskeiðum fyrir foreldra ungra barna „Uppeldi sem virkar – færni til framtíðar.“ Á námskeiðunum er lögð áhersla á að kenna foreldrum aðferðir til að skapa æskileg uppeldisskilyrði sem líklegust eru til að skila árangri í lífi barns. Þannig er lagður grunnur að því að barnið þroski með sér mikilvæga eiginleika og læri færni sem nýtist því til frambúðar. Jafnframt er dregið úr líkum á ýmsum erfiðleikum í framtíðinni. Allir foreldrar eru hvattir til að sækja þessi námskeið, ekki síst þeir sem eiga yngstu börnin.

Tveir leiðbeinendur sjá um hvert námskeið sem er samtals 8 klukkustundir og er einu sinni í viku, tvær klukkustundir í senn. Þátttakendur þurfa að skrá sig fyrirfram og er ætlast til að mætt sé í öll fjögur skiptin. Þátttökugjald er 8.000 kr. fyrir einstaklinga og 10.000 kr. fyrir pör. Námskeiðgjald er niðurgreitt fyrir atvinnulausa foreldra.

Nánari upplýsingar fást hjá Þroska- og hegðunarstöð í síma 585-1350 eða á www.heilsugaeslan.is.

Nánari upplýsingar um námskeiðin